《幫助大寶適應新身份 — BB出世前》

決定生二寶既其中一個原因，都係想為大寶...

《幫助大寶適應新身份 — BB出世前》

決定生二寶既其中一個原因，都係想為大寶添個最親密既人生戰友，希望佢地可以相親相愛、互相扶持，所以當然要幫 #哥哥 #家姐 鐘意 #細佬 #細妹 啦！因為一開始已經計劃好要生兩個，所以早至巧兒仲係BB既時候，我已經開始出手🤣🤣🤣

1. #叫名 唔好叫BB
巧兒由初生開始，我地都係叫佢巧兒，唔係叫佢BB。一黎，佢可以開始慢慢建立 #自我意識。二黎，如果細佬妹出世，佢要讓出「BB」既身份，會增加適應既難度。而後來我發現， #N班面試 時，小朋友要聽慣自己個名先識得回應老師。

2. 讓大寶 #感受二寶存在
由細佬8週左右，我就比巧兒知道媽媽肚入面有BB，個BB會越黎越大，之後會出黎同佢玩。我有帶巧兒陪我去照 #超聲波，佢雖然睇唔明個影係乜野，但都記得係診所聽到 #BB心跳聲。加上，我都有同佢睇有關既圖書，比佢有心理準備BB係乜都唔識，需要大人照顧。另外，我都有「轉述」BB同家姐講既野，例如巧兒食士多啤梨，我話：「細佬話佢都想食士多啤梨，巧兒可唔可以分享比細佬呀？」

3. #訓練獨立
#照顧初生 需要大量時間，如果大寶都仲係好依賴，照顧者根本抽唔到身，而如果夾硬要分左啲時間去照顧二寶，大寶會覺得被忽略。由我陀細佬開始，我就同巧兒講我抱唔到佢，慢慢佢可以拖住大人手，自己行路越行越遠距離。我又買左張兒童床，比佢自己訓，一開始都要係床邊拖住手拖到佢訓著，慢慢佢就可以自行入睡。

4. 進行 #性教育
如果大寶同二寶唔同性別，我覺得有必要先讓大寶認識 #異性身體。一早教定佢先，好過等佢見到先問。我用性教育教材，同巧兒介紹女孩子同男孩子既器官，同埋教佢要 #保護私隱部位。而介紹 #性器官 時，態度要大大方方，千祈唔好自己都尷尷尬尬，仲要用返正確名稱。既然眼睛、嘴巴、耳朵都冇花名，點解陰莖同陰囊要用花名。

💌如果想知我用邊套 「#幼兒性教育教材」，請於此post留言。

二寶出世後，大人一開始都手忙腳亂，需要時間適應同掌握新既生活節奏，大寶更加冇可能即時就適應到，所以預備工夫真係越早開始越好。下期預告：《幫助大寶適應新身份 — BB出世後》

————————————
👍🏻讚好Facebook專頁 www.facebook.com/daniellemamaedu 家庭教育、親子活動、有趣玩意、懷孕點滴

💡其他好文回顧💡

《坐月日與夜》
https://www.facebook.com/100043347206086/posts/369586301162940/?d=n
《產後48小時》
https://www.facebook.com/111805923718473/posts/274199974145733/?d=n
《疫情下聯合醫院生產記》
https://www.facebook.com/111805923718473/posts/259721718926892/?d=n
《巧生活 — 戒片片》
https://www.facebook.com/111805923718473/posts/192615865637478/?d=n
《巧生活—戒奶咀》bit.ly/byebyedummy
《巧巧成長—Trouble 2 變Lovely 2》bit.ly/trouble2lovely2
《巧巧成長—教出充滿安全感的孩子》bit.ly/nurturesecurity

---